3、2、1，停！望緊手機嘅你，知唔知呢刻自己嘅身體係點㗎？
個頭有冇向前伸？寒背？條頸攰嗎？你宜家身處環境係點㗎？不如抬起頭望吓、聽吓、聞吓四周圍？

你可能會發現，除咗俾手機主宰住你嘅日常之外，仲俾城市空間規劃影響住你嘅行動，例如：紅綠燈嘅聲音、馬路標語、商場音樂、地鐵廣播⋯⋯ 不經不覺，影響緊你喺條街上面嘅感覺！公園嘅櫈設計千奇百趣，睇得又坐得，但竟然唔希望你攤低放鬆？逼緊地鐵嘅你，必須縮埋個人先至唔會整倒人；前面人頭湧湧排晒長龍，你會唔會想跟隊趁吓熱鬧？

喺度生活，Chur嘛？想唔想抖啖氣？我哋想邀請你一齊輕輕鬆鬆玩遊戲呀。唔係 Board Game、密室逃脫同PS5啊衰鬼！而係——同自己身體玩遊戲，同城市空間玩遊戲。

我哋兩位主創會分享一啲舞蹈及劇場遊戲，以身體經驗為主要方法，帶大家重新體會「城市」係乜嘢，以及思考我哋每個人喺城市活動嘅「選擇」。

只要你肯玩，總會有路你揀！

明恩
⽣於香港，是⼀位舞蹈藝術⼯作者，於香港演藝學院主修當代舞及編舞，涉獵跨媒介創作、舞蹈、劇場表演；她亦熱衷於通過藝術教育進入社區⼯作，相信⾝體是普世的⼯具，⽬前為（意⼤利 x 香港）賽⾺會「觸動」舞蹈計劃、（台灣雲⾨教室 x 香港）「⾃主．流」藝術家導師。

嘉蒓
曾是記者，現為表演藝術⼯作者，以創作回應世界。具形體及劇場表演訓練背景，參與本地不同演出製作。曾在英國愛丁堡藝穗節上演獨腳戲，並憑與導演合寫的劇本獲得殊榮。她同時是接觸即興舞者及創意律動導師，相信⾝體的⼒量。

社交媒體連結：www.instagram.com/hereweplaythrough
計劃電郵地址：hereweplaythrough@gmail.com